Somos diversxs

A chegada do verán sempre vai acompañada da celebración do Día Internacional do Orgullo LGTBIQ+, que ten lugar o 28 de xuño en todas as cidades do mundo. Un día especial no que se festexa a diversidade da condición humana e o recoñecemento a todas as formas de ser e sentir.

Esta é unha data obrigada nas axendas para recoñecer e visibilizar esta diversidade, pero tamén para lembrar que nas nosas sociedades aínda se comenten inxustizas e desigualdades cara a persoas por este motivo. Recoñecer este tema un día ao ano é importante, pero non suficiente. No día a día da educación de nenas e nenos está a clave para promover unha sociedade respectuosa, que valore a riqueza de todas as diferenzas.

Visitamos o IES Illa de Ons

Cada curso, o IES Illa de Ons, ao que están adscritos os colexios de Cela e Beluso, da man de Silvia, a orientadora, recibe ao alumnado de 6° de Primaria dos dous coles e ao alumnado doutros coles que se unirán o curso que vén nas súas aulas. 

Resultou moi satisfactoria esta visita na que coñecemos as aulas, o laboratorio, o salón de actos, o ximnasio, a biblioteca..., fixemos un obradoiro de chapas con Olalla, a profe de Educación Plástica, Visual e Audiovisual, e María, a profe de Bioloxía e Xeoloxía, e... compartimos o recreo co alumnado do instituto!

Xa queda moi pouco para que o alumnado de 6° remate Primaria e inicie a ESO e, por suposto, nos coles imos botalos moito de menos. Só podemos desexarlles o mellor nesta nova singradura. 

Encontro coas familias: luns 22 de maio ás 16:15h no colexio Montemogos

 É preciso inscribirse pinchando na imaxe. Grazas!

Encontro coas familias: luns 15 de maio ás 16h

 

Bolsas para alumnado con necesidade específica de apoio educativo 2023/2024

Dende o 8 de maio e ata o 20 de setembro (inclusive) está aberto o prazo para solicitar as Bolsas e axudas para alumnado con necesidade específica de apoio educativo. 

Atoparedes aquí o acceso á web do Ministerio de Educación para realizar a solicitude que debedes imprimir e presentar no colexio.

Este curso hai unha novidade importante: todas as familias, independente do nivel de renda, poderedes solicitar o subsidio para gastos adicionais de carácter xeral derivados da escolarización do alumnado con necesidade específica de apoio educativo, que ten unha cantidade fixa de 400€ que poderá ser percibido por todos os solicitantes e que será compatible co resto de axudas e subsidios regulados na convocatoria. 

Se precisades información, podedes contactar coa orientadora nos teléfonos:

886 15 11 13 (Cela)

886 15 11 14 (Beluso)

Encontro coas familias: 17 de abril ás 17h

ENCONTRO COAS FAMILIAS: Luns de 17 de abril das 17 ás 18:30h. Agardámosvos!

Na última sesión da Escola de Familias con Raquel Pedrouso sobre Xestión de conflitos e intelixencia emocional, agasallounos cunha serie de recomendacións lectoras para nais, pais, fillas e fillos que comparto aquí con vós:

Emocionario.

Diario de gratitud.

Tranquilos y atentos como una rana.

Imaginaciones: historias para relajarse y meditaciones divertidas.

Cuentos para quererte mejor.

2 de abril, día mundial do autismo.

O 2 de abril conmemórase o Día mundial do autismo. Como nesa data non estaremos na escola, hoxe decidimos coñecer máis sobre as necesidades das persoas con Trastorno do Espectro Autista (TEA) para comprendelas mellor de cara a acadar unha mellor inclusión na escola e na sociedade.

Aprendemos que no símbolo do infinito teñen cabida a diversidade de persoas con TEA, que teñen diferentes necesidades e que, ao igual que calquera persoa, todas queren sentirse comprendidas, aceptadas e incluídas.